Tönyaq Kipr Törek Cömhüriyätendä 1974 yılnıñ 20 iyül könge Tınıçlıq xäräkäteneñ 36 yıllığı tantanalar belän qotlandı.

Tön urtasında “Yavuz Çıkarma” plajında cıyılğan küp sanlı xalıq törkeme 36 yıl elek utrawğa tınıçlıq häm Kipr töreklärenä xörriyät kitergän mizgelne ''Şäfäq näwbäte” belän kötte.

Soñınnan Doktor Fazıl Küçük bulvarında Tınıçlıq häm irek bäyräme räsmi tantanası ütkärelde.

Tantanada çığış yasawçı Tönyaq Kipr Törek Cömhüriyäte ilbaşı Derviş Eroğlu utrawda daimi çişeleş öçen Törkiyä garantlığınıñ nigez bulıp toruına häm monıñ törek tarafınıñ "qızıl sızığı” buluına basım yasadı.

Kipr tınıçlıq xäräkäte cıyınnarında qatnaşqan Däwlät ministrı Cemil Çiçek tä daimi häm ğadel çişeleş öçen törek yağınıñ äzer buluın belderde.

Cemil Çiçek Törkiyä "Awrupa Berlegeme, yuğisä Kiprmı?” räweşendä saylap alırğa mäcbür bulğan oçraqta härwaqıt Kipr törek xalqın yaqlayaçağın assızıqlap äytep uzdı.

Tınıçlıq xäräkäte cıyınnarında “Cömhüriyät xalıq” partiyäse (CHP) ğomum başlığı Kemal Kılıçdaroğlu da qatnaştı.