Abdullah Gül Tatarstan başqalası Qazandağı oçraşuların däwam itterä.

Tatarstan ilbaşı Mintimer Şäymiyev belän Gül Qazan Kirmänendä üzara küreşep söyläşte.

Törkiyä häm Tatarstan däwlät başlıqları wäkilleklärara söyläşülärdän soñ urtaq matbuğat oçraşuın ütkärde.

Gül: "Tuğandaş tatar xalqı belän mönäsäbätlärebez Rusiyä Federatsiyäse belän xezmättäşlegebezne dä üsterüçe faktor. Törkiyä belän Rusiyä Federatsiyäse arasında üseş alğan mönäsäbätlär yärdämendä Törkiyä belän Tatarstan arasındağı elemtälärdä nıq adımnar belän qamilläşä başlağan bu wazğiyät Törkiyä belän Rusiyä Federatsiyäse arasındağı mönäsäbätlärneñ üsüenä dä öleş kertte,” – dip äytte.

Törkiyäneñ Rusiyä Federatsiyäsendäge berençe baş konsullığın Qazanda açuına basım yasawçı Gül monıñ mönäsäbätlärneñ ni çaqlı xosusıy buluın kürsätüen belderde.

Tatarstan ilbaşı Şäymiyev tä, Gül säfäreneñ tarixi ähämiyätkä iyä buluın belderep, ike il arasında xezmättäşlek potentsialın üsterügä mömkinlek tudıraçağın äytte.

Törkiyä häm Tatarstan arasında tel, tarix, mädäniyät häm ğoref-ğadätlär berlegeneñ berläşterüçe faktor buluın assızıqlawçı Şäymiyev ikeyaqlı bularaq mädäniyät üzäkläreneñ açıluın teläde.

Gül häm Şäymiyev soñınnan Qazan Kirmänendäge çirkäwne qaradı.

Çirkäwdän soñ Qol Şärif mäçeten dä ziyarät qılğan ike ilbaşı 1552nçe yılda cimerelgännän soñ 4 yıl elek yañadan salınğan mäçetneñ muzeyın gizep, mäğlümat aldı.